ଟିକି ଶିଶୁଟି ମୁଁ

 

ସମସ୍ତେ କୁହନ୍ତି ଟିକି ଶିଶୁଟି
ଗୁଲୁରୁ ଗୁଲୁରୁ ମୋର କଥାଟି ,
ଯୁକ୍ତାକ୍ଷର ନୁହେଁ ମୋର ଶବ୍ଦଟି
ଟିକି ଶିଶୁଟି ମୁଁ ଟିକି ଶିଶୁଟି ।

ନୁହେଁ ଅଭିଧାନ ମୋର ଶବ୍ଦଟି
ବା ଓ ମା ଡାକଇ ନିତି ମୁହିଁଟି,
ଜେଜେ ଓ ମାଙ୍କର ମୁହିଁ ସାଥିଟି
ଟିକି ଶିଶୁଟି ମୁଁ ଟିକି ଶିଶୁଟି ।

ଥୁକୁଲୁ ଥାକୁଲୁ ଚାଲି ମୋରଟି
ଖିଲି ଖିଲି ହସ ମୋର ମୁହଁଟି ,
ଦୁଃଖୀର ଦୁଃଖ ମୁଁ ନେଇ ଯାଏଟି
ଟିକି ଶିଶୁଟି ମୁଁ ଟିକି ଶିଶୁଟି ।

ବାଲି ନଟପଟ ଖେଳ ମୋରଟି
ହିଂସା ଓ କପଟ ଜାଣି ନାହିଁଟି ,
ମାଆର ପଣତ ମୋର ସ୍ୱର୍ଗଟି
ଟିକି ଶିଶୁଟି ମୁଁ ଟିକି ଶିଶୁଟି ।

ସାବିତ୍ରୀ ଭବନ , ସିଆରା
     ବ୍ରହ୍ମଗିରି , ପୁରୀ
ମୋ - 8114334496 .

ପଖାଳ

ପଖାଳ ଭାତ ଦେହକୁ ବଢ଼ିଆ ପ୍ରମାଣ
ଦିଅନ୍ତି ପ୍ରଭୁ ଜଗା ବଳିଆ ,
ସର୍ବେ ଏକ ହେବା ପଖାଳ ଦିବସ ମାର୍ଚ୍ଚ
କୋଡିଏକୁ ସାଫଲ୍ୟ କରିବା ।

ପଖାଳ ସଙ୍ଗେ ବଡି ଚୁରା ଭଜା ଚଟଣି
ସୁନୁସୁନିଆ ଲେଉଟିଆ ଖଡା ,
ଆଃ କି ଆନନ୍ଦ ଭେଣ୍ଡି ଜହ୍ନି ସାରୁ ଚକଟା
ପୋଡା ମାଛ ଚିଙ୍ଗୁଡ଼ି କଙ୍କଡା ।

ସଜ ବାସି ଅଦା ଟଭା ଜିରା ଆମ୍ବ ଦହି
ପୁଣି କାକୁଡି କୋରା ପଖାଳ ,
ଯେତେ ଦୂରେ ଦେଖି ନିଦାଘ ସମୟେ
ସର୍ବ ପାଟିରୁ ବୁହଇ ଲାଳ ।

ମାଣବସା ଗୁରୁବାରେ ଭୋଗ ପରମ୍ପରା
ପଖାଳ ଓ କଳମ ଭୋଗ ,
ଉଡ୍ରେ ଭାଇ ଜିଉନ୍ତିଆ ଓଷା ପରଦିନ
ନାନୀ ଖାନ୍ତି ପଖାଳ ଶାଗ ।

ପଶ୍ଚିମବଙ୍ଗ ଛତିଶଗଡ଼ ଝାଡଖଣ୍ଡ
ବିହାର ତାମିଲନାଡୁ ଆସାମ ,
ପନ୍ତ ବୋରେ ମାରା ବକାଳ ପୋଇତା ଭାତ
ବିଭିନ୍ନ ରାଜ୍ୟରେ ଭିନ୍ନ ନାମ ।

ପଖାଳ ଭାତ ଓ ତୋରାଣି ପିତ୍ତ ନାଶକ
କୋଷ୍ଠ କାଠିନ୍ୟ ପେଟବ୍ୟଥା ,
ପୁଣି ଦୂର କରେ ଅଗ୍ନିମାନ୍ଦ୍ୟ ଅତିସାର
କେତେ ଉପକାରୀ ଜାଣିଥା ।

ସାବିତ୍ରୀ ଭବନ , ସିଆରା
      ବ୍ରହ୍ମଗିରି, ପୁରୀ
ମୋ- 8114334496  ।

ସ୍ତ୍ରୀ

                         
   

          

ମୋ ଜୀବନେ ତୁମେ ଆସିଛ
କିଛି ପରିବର୍ତ୍ତନ ନେଇ
ନିଜକୁ ସମର୍ପିତ କରି ।

ଆପଣା କରିବାର ଇଛା
ଭଲପାଇବାର ସଦିଛା ।

ମନ ହୃଦୟେ ଘର କରିବା ଲକ୍ଷ୍ୟ ରଖନ୍ତି
ପୁଳାଏ ସପନ ସହ ଘରେ ଗୋଡ ଥାପନ୍ତି ।

ପହିଲି ସୂର୍ଯ୍ୟାଦୟରେ ସ୍ନେହ ମମତାର ଆଦର
ଖାଦ୍ୟ ସମୟେ ସ୍ନେହ ମମତାର ଆଲଟ ଚାମର
ସଦାସର୍ବଦା ସେତ ସ୍ନେହ ଶ୍ରଦ୍ଧା ଯତ୍ନର ଭଣ୍ଡାର ।

ବିପଦ ଆପଦରେ ସାହାସର ପ୍ରତିଶୃତି
ରୂପସୀ ପ୍ରେୟସୀ ତୁମେ ମୋ ସୁନ୍ଦର ସ୍ମୃତି ।

ଟିକେ ଅନୁପସ୍ଥିତିରେ ନୟନର ଅଶ୍ରୁ
ପୁଣି ସମସ୍ୟା ସମାଧାନର ରାସ୍ତା
ସଭିଙ୍କ ମନ ଜିଣିବା କଥା  ।

ଅନାବିଳ   ସ୍ନେହ  ସମ୍ପର୍କ
ତୁମେ ମୋ ପ୍ରେମର କୋଣାର୍କ
ତୁମେ ମୋ ସୁନ୍ଦରୀ  ସଙ୍ଗିନୀ
ସ୍ତ୍ରୀ.........ସ୍ତ୍ରୀ.........ସ୍ତ୍ରୀ ।

    ସାବିତ୍ରୀ ଭବନ , ସିଆରା
         ବ୍ରହ୍ମଗିରି , ପୁରୀ ,
   ମୋ -8114334496 .

ନାରୀ

  

ସରଗସୁତା ଓ ଗଜମୁକୁତା
ନାରୀ ତୁମେ ପରା ଜଗତଜିତା ।

ନୁହେଁ ତୁମେ ଅବଳା କି ଦୁର୍ବଳା
ସଂଘାରକାରିଣୀ ଚଳଚଂଚଳା ।

କ୍ରାନ୍ତି ବିପ୍ଲବ ପୂଣ୍ୟ ସ୍ରୋତସ୍ୱିନୀ
ମଙ୍ଗଳମୟୀ କଲ୍ୟାଣକାରିଣୀ ।

ଦୁଃଖ କଷ୍ଟ ପାଷାଣ ପରି ସହେ
ଅଭିଯୋଗ ନା କାହା ପାଶେ କହେ ।

ବାତ୍ସଲ୍ୟ ମମତା ହୃଦୟେ ଭରା
ଖୁସି ହାସ୍ୟମୟୀ ସ୍ନେହ ପସରା ।

ଜାତି ଶକ୍ତି ସ୍ଥିତିର କର୍ଣ୍ଣଧାର
ପୁଣି ପ୍ରଗତି ମଧୁର ଝଙ୍କାର ।

ସୃଜନ ସ୍ବପ୍ନ ଧ୍ବଂସର ଝଲକ
ଶୁଭାକାଂକ୍ଷୀ ଓ ପଥପଦର୍ଶକ ।

କ୍ଷମା କୋମଳତାର ମୂର୍ତ୍ତିମନ୍ତ
ସମାଜେ ହିତେ ସଦା ଉତ୍ସର୍ଗୀତ ।

ସାବିତ୍ରୀ ଭବନ , ସିଆରା
       ବ୍ରହ୍ମଗିରି, ପୁରୀ
ମୋ - 8114334496 ।

ପ୍ରେମିକା

ମୋ ପ୍ରେମିକା ଅଟେ ଭାରି ଲାଜେଇ

 ପାଖେ ରହିଲେ ସେ ହୁଏ ଗେହ୍ଲେଇ ,

 

ମୋତେ ଦେଖିଦେଲେ ହୁଏ ଫୁଲେଇ

 ଅପ୍ସରୀଠୁ ସୁନ୍ଦରୀ ହେଲେ ସଜେଇ ।

ବାପା ଓ ମା'ଙ୍କର ସୁକୁମାରିଟା

ରାଗି ମୁହିଁ ତୁତ ଅଭିମାନୀନୀଟା ,

ସାତ ଜନ୍ମେ ତୁହି ଗେହ୍ଲି ରାଣୀଟା

ହସ ଖୁସି ତୋର ଚନ୍ଦ୍ର ମନଟା ।

ଜମା କରେନା କାହା ସହ କଳି 

ନୁହେଁ ଛନ୍ ଛନ୍ ନୁହେଁ ଚଗଲି ,

ଘର ଲୋକଙ୍କର ଅଟଉ ଗେହ୍ଲି 

କେବେ ମୋତେ ତୁହି ନ ଯିବୁ ଭୁଲି ।

ସାବିତ୍ରୀ ଭବନ , ସିଆରା

ବ୍ରହ୍ମଗିରି , ପୁରୀ , ମୋ -8114334496 ।

ବିରହ ପ୍ରେମ

ବୁଝିଲୁନି ପ୍ରିୟା
           ମୋ ପ୍ରେମର ମୂଲ
ଅଧବାଟେ ମୋତେ
            ଛାଡି ଚାଲିଗଲ ।

ଛାତିରେ ଦରଜ
               ହୃଦୟରେ କୋହ
ନୟନେ ଭରିଲୁ
               ତୁ ଅଜସ୍ର ଲୁହ ।

ନିଶ୍ୱାସ ସ୍ପନ୍ଦନ
               ଖୋଜୁଅଛି ମନ
ଯିବା ପରେ ବହେ
               ବୈଶାଖୀ ପବନ ।
       
ଜାଣିବୁ କେମିତି
              ଛାତି ତଳ ବ୍ୟଥା
ତୋର ଭାବନାରେ
               ଥିଲା କପଟତା ।

ଯେଉଁଠି ଥାଆ ତୁ
             ହସ ଖୁସିରେ ଥା
ଏବେବି ଝୁରୁଛି
              ତୋର ମିଠା କଥା ।

ସାବିତ୍ରୀ ଭବନ, ସିଆରା ,
ବ୍ରହ୍ମଗିରି , ପୁରୀ , ମୋ -8114334496  ।

ନୂଆ ବରଷ

 

 

 

                   

                         
                             
ନୂଆ ବର୍ଷର ନୂଆ ଚିନ୍ତା ନେଇ
ଧରାପୃଷ୍ଠକୁ ଆସିଛି ନୂଆ ବର୍ଷ
ଆଶା ଆକାଂକ୍ଷା ସଫଳ ହୋଇବ
ରହିଛି ଆଗ୍ରହ ଆନନ୍ଦ ଓ ବିଶ୍ୱାସ ।

ହଠ ଓ ଗରିବ ଅଭାବ ଅନୀତି
ଶୋଷଣ ନରହୁ ଏ ମର୍ତ୍ତ୍ୟ ମଣ୍ଡଳେ
ଶକ୍ତି ପାଇଁ ମାନ ସମ୍ମାନ ବଢ଼ୁହେ
ବିଶ୍ୱମ୍ଭରା ଚାରୁହସ ସର୍ବବେଳେ ।

ଲୋଭ କ୍ରୋଧ ମୋହ ମାୟା ଓ ହିଂସାକୁ
ହୃଦୟ ମନ୍ଦିରରୁ ତ୍ୟାଗ କରିବା
ମାନବିକତା ନିରପେକ୍ଷତା ଧରି
ମହତ୍ତ୍ୱ ଗୁଣକୁ ଆପଣେଇ ନେବା ।

ଭାଗ୍ୟକୁ ନ ଆଦରି କରମ ଅସ୍ତ୍ର
ଧରି ଅଗ୍ରସର ହୁଅ ରସାବନ୍ଧୁ
ସତ୍ୟ ଅହିଂସା ଦୟା କ୍ଷମା ନେଇ
ଡେଇଁ ଯାଅ ମହୀଧର ସପ୍ତସିନ୍ଧୁ ।

ଆନନ୍ଦ ଉଲ୍ଲାସେ ପ୍ରୀତି ଭାବରେ
ସର୍ବ ହୃଦୟରେ ଭରିଯାଉ ଆତ୍ମୀୟତା
ଭବ ସଂସାରକୁ ଅମୃତ ଦୃଷ୍ଟିରେ
ସର୍ବଦା ଚାହିଁ ଥାଅ ଶ୍ରୀସୃଷ୍ଟି କର୍ତ୍ତା ।

      ସାବିତ୍ରୀ ଭବନ , ସିଆରା ,
ବ୍ରହ୍ମଗିରି, ପୁରୀ ,ମୋ -8114334496 .